1. Desember

1. Desember.

Husfruas Julekalender.

Eg er ikkje den som har alt under kontroll her nei. I År var det duka for at på Gardstunet skulle vi få ein Adventskalender som var ei syerske verdig.

Men sidan det har vore veldig hektisk her, så har eg ikkje fått begynnt ein gong.

Så..... planen har vore i hove mitt ei stund, så derfor var det meste kjøpt inn, eller iallefall tenkt ut.

Men når datoen bikkar 30.november og klokka er 20.00. er det vel på tide å setje igang.

No er det blitt like mykje Husfruas Adventskalender, som dei Håpefulle sin.

Derfor blir det kvar dag nye framsteg.

24 lommer i lin, 6 raude og resten natur.

Bakgrunnen i eit stort linlerret med mellomlegg og lerret til bakstykke, skal vere kant rundt, men har ikkje heilt bestemt kor stort "arbeidet" skal bli til slutt.

I utgangspunktet skal det vere litt tilfeldig, då eg har ein fobi mot symmetri. Så det er litt terapi dette med trekantform. Men tilfeldigheita her er nøye oppmålt.

Ikkje akkurat ein teknisk-tegning men gjer nytta.

Nokre av lommane får litt ekstra pynt.

Dei to gutane hadde ønska seg Lego i kalenderen, og då tenkte jo eg at då kjøper eg ein Legokalendar litt snop, og deler det fint opp, kjapp, kjapp, ferdig, ferdig.

MEN

Så var det jo det å ver litt i seinaste laget då. Jo da, det var ikkje fleire legokalendarar å oppdrive i heile fylket. (lurer på når eg har tenkt å lære)

Det enda med to pakker lego til kvar, som eg måtte sitte å dele opp i passe mengder, slik at dei kan bygggje litt kvar dag. For å gjere det litt ekstra spennande for storebror, har eg kopiert bruksanvisningen, slik at han ikkje veit kva hans ting skal bli til slutt.

(Og slik at eg kunne få litt meir arbeid )

Resultatet vart ein kalendar gutane kunne byrje på i dag tidleg.

(Og ei mor med litt for få timar søvn)

Fortsettelse følger.